Doğru Yol Partiyası və Bəyaz Hərəkat rəhbərləri görüşdülər – FOTOLAR

Doğru Yol Partiyası Qurultaya Hazırlıq Üzrə Təşkilat Komitəsinin mətbuat xidmətindən verilən məlumata görə dünən Doğru Yol Partiyası təşkilat komitəsinin sədri Kəramət Salah və Bəyaz Hərəkatın sədri Hürrü Əliyev arasında görüş keçirilib.

Bəyaz Hərəkatın ofisində baş tutan görüşdə iki partiya sədri ölkədəki ictimai-siyasi vəziyyəti, müxalifət düşərgəsində milli qüvvələrin inteqrasiyası, bu gün və gələcək fəaliyyət perspektivləri müzakirə etmişlər, tarixi rakursdan siyasi qüvvələrin fəaliyyəti dəyərləndirilmişdir.

Verilən məlumata əsasən baş tutan görüşdə Doğru Yol Partiyası və Bəyaz Hərəkat arasında siyasi əlaqələrin yüksək səviyyəyə çatdırılması istiqamətində müzakirələrin aparılması vurğulanmışdır.

Qeyd edək ki, görüşdə Doğru Yol Partiyası təşkilat komitəsinin sədr müavinləri Ülvi Quliyev və Mərdan Məhəmmədəliyev, Bəyaz Hərəkatı sədrinin müavinləri Həsən Qasımov, Sabir Sadıqov iştirak etmişlər.