Azərbaycanlı ictimai fəal İsveçrədə təsis olunan Beynəlxalq Alyansa sədr seçildi

Beynəlxalq İnsan Hüquqlarının Müdafiəsi və Əməkdaşlıq Alyansı təsis olunmuş, qurumun İsveçrənin Cenevrə şəhərində iclası keçirilərək, Rəşad Quliyev təşkilata sədr seçilmişdir.

Qeyd edək ki, Beynəlxalq İnsan Hüquqlarının Müdafiəsi və Əməkdaşlıq Alyansı İsveçrənin Cenevrə şəhərində təsis edilib, təsisçilərinin əsas hissəsi, Avropa, Afrika və MDB ölkələrinin vətəndaşlarıdır.

Alyansın əsas fəaliyyəti İnsan hüquqlarının qorunması, insan ləyaqətinin təmin olunması, hüquq pozuntularının sənədləşdirilməsi və beynəlxalq əməkdaşlığın genişləndirilməsi istiqamətində olacaqdır. Eyni zamanda təşkilat insan haqlarını qorumaq məqsədi ilə aşağıdakı fəaliyyətləri həyata keçirəcəkdir :

– İnsan hüquqlarının pozulması halları üzrə araşdırmalar aparmaq;
– Beynəlxalq təşkilatlara hesabatlar təqdim etmək;
– Hüquq müdafiəçilərinə hüquqi və psixoloji dəstək göstərmək;
– Maarifləndirmə və təhsil layihələri həyata keçirmək;
– Regional və beynəlxalq tərəfdaşlıq şəbəkələri ilə əməkdaşlıq qurmaq;
– Beynəlxalq konfranslar, forumlar və ictimai kampaniyalar təşkil etmək.

Təşkilatın iclası keçirilərək, Alyansa ictimai fəal Rəşad Quliyev sədr seçilmişdir.

Qeyd edək ki, Rəşad Quliyev bundan öncə Dünya Azərbaycanlıları Konqresində Gənclər Təşkilatının sədri, Beynəlxalq Avropa Hərəkatının Azərbaycan nümayəndəliyində baş katib, Belçika Azərbaycanlıları Cəmiyyətinin sədri, Alman Azərbaycan Mədəniyyət Evinin rəhbəri, Dünya Azərbaycanlıları Assambleyasının sədri olmuşdur.

Təşkilatın mərkəzi ofisi İsveçrədə fəaliyyət göstərəcəkdir.