Xaləddin İsgəndərova cinayət işi açıldı

Binəqədi rayonu Azadlıq prospekti 200/36 saylı binada baş vermiş yanğınla əlaqədar olaraq artıq üç maddə ilə cinayət işi açılıb. Cinayət işində “vəzifə səlahiyyətlərini aşma” maddəsidə var. Gunpress.az-a açıqlama verən hüquqşunüasların dediyinə görə, məlum hadisəyə görə bu maddə ilə cinayət işi açılırsa, bura binanın fəsadını dəyişən şirkətlə yanaşı, bu sifarişi verən və onun icrasına nəzarət etməli olan Binəqədi rayon icra hakimiyyətinin məsul şəxsləri və şəxsən icra başçısı Xaləddin İsgəndərov məsuliyyət daşıyacaq. Buna görə hesab edilir ki, ilk məsuliyyət daşıyan şəxs Xaləddin İsgəndərovdur.

Bu arada Prezident İlham Əliyev yanğın nəticəsində həlak olanların ailələrinə dərin hüznlə başsağlığı verib, həmçinin, onların dəfninin və yas mərasimlərinin dövlət hesabına təşkili məsələsini Bakı Şəhər İcra Hakimiyyətinə tapşırıb.Ekspertlər hesab edir ki, yas mərasimlərinin təşkilinin Binəqədri rayon icra hakimiyyətinə tapşırılmamasıda bununla bağlıdır.