Prezident avar xalqının nümayəndəsini Heydər Əliyevin 100 illiyi yubiley medalı ilə təltif etdi

Prezident İlham Əliyev Yeni Azərbaycan Partiyasının Ərazi ilk partiya təşkilatının sədri, ölkənin şimal-qərb bölgəsinin nüfuzlu şəxslərindən olan Azərbaycan-Avar İctimai Birliyinin sədri Məhəmməd Nooyev ilə bağlı Sərəncam imzalayıb. Ölkə başçısının imzaladığı müvafiq Sərəncamla Məhəmməd Nooyev Ümummilli Lider Heydər Əliyevin 100 illik xatirəsinə həsr olunmuş "Heydər Əliyevin 100 illiyi (1923-2023)" yubiley medalı ilə təltif olunub.
M. Nooyev bildirib ki, Azərbaycan Respublikasının Prezidenti cənab İlham Əliyevin Sərəncamına əsasən multikulturalizminin siyasi banisi olan "Heydər Əliyevin 100 illiyi (1923-2023)" yubiley medalı ilə təltif olunmağım qürurverici olmaqla yanaşı, həm də böyük məsuliyyətdir. M. Nooyev onun fəaliyyətinə qiymət verən Müzəffər Ali Baş Komandan cənab İlham Əliyevə minnətdar olduğunu bildirib.
Qeyd edək ki, M. Nooyev ictimai fəaliyyətlə yanaşı, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin də məsul əməkdaşıdır.