Yeni azad olunmuş ərazilərdə seçki məntəqələri yaradılacaq
Tarix: 16-12-2023 20:28
![Yeni azad olunmuş ərazilərdə seçki məntəqələri yaradılacaq](https://unikal.az/photos/unikal/1702728828.25440506-2061-43dd-b82f-7cd73cd77bbe.jpg)
Azad olunmuş əraziləri əhatə edən 9 seçki dairəsində 26 seçki məntəqəsinin yaradılması təmin ediləcək.
Günpress.az xəbər verir ki, bunu Mərkəzi Seçki Komissiyası sədrinin müavini Rövzət Qasımov deyib.
O MSK-nın bu gün keçirilən iclasında bildirib ki, azad edilmiş ərazilərdə quruculuq işləri ilə məşğul olan böyük mütəxəsis ordusu var: "Bizim də onların qarşısında vəzifəmiz onların səsverməsini təmin etməkdir. Artıq azad edilmiş ərazilərdə müəyyən şərait aydınlaşıb. Uzun müddətdir bununla bağlı iş aparırdıq. İlkin rəqəmlərə görə azad olunmuş əraziləri əhatə edən 9 seçki dairəsində 26 seçki məntəqəsinin yaradılması təmin ediləcək. Yaxın günlərdə DSK-lar bununla bağlı qərar verəcək".
R.Qasımov həmçinin bildirib ki, Xankəndi, Xocalı, Əsgəran və Ağdərədə də seçki məntəqələri yaradılacaq.
Seçilmişlər
Ən çox oxunanlar