Direktor Əməkdar jurnalisti ziyarət etdi

Sumqayıt Tibb Mərkəzinin (STM) direktoru Elnur Azadxanov 2 nömrəli Xəstəxanada müalicə alan Əməkdar jurnalist Rəhman Məmmədzadəni (Orxan) ziyarət edib. Əməkdar jurnalistlə həmsöhbət olan E. Azadxanov onun səhhəti ilə maraqlanıb, tezliklə sağlamlığına qovuşmasını arzulayıb.

Qeyd edək ki, Rəhman Orxan uzun illər «Vışka» qəzetinin xüsusi müxbiri işləyib. «Bakinets» qəzetinin təsisçisi və baş redaktoru olub.

Dağlıq Qarabağ mövzusuna, xalqımızın erməni faşizminə qarşı apardığı ədalətli mübarizəyə həsr olunmuş yazılarına və jurnalist hüquqlarının müdafiəsinə görə 1993-cü ildə Osman Mirzəyev adına Respublika mükafatına layiq görülüb.

2001-2013-cü illərdə “Azərikimya” İstehsalat Birliyinin Mətbuat xidmətinin rəhbəri vəzifəsində çalışıb.

Azərbaycan Jurnalistlər Birliyinin üzvüdür. Bir neçə kitabın müəllifi və redaktorudur.

Prezident İlham Əliyevin 4 oktyabr 2016-ci il tarixli sərəncamı ilə Azərbaycan Respublikasının Əməkdar jurnalisti fəxri adı verilib.