Beynəlxalq təşkilatların Qarabağla bağlı qərəzli yanaşması davam edir

Elçin Abdullayev: «Qarabağdan ermənilərin çıxarılmasında nə ATƏT-in Minsk Qrupuna, nə Avropa Şurasına, nə BMT-yə ümid etmək olar”

Bir neçə gün öncə Brüsseldə “Şərq Tərəfdaşlıq Proqramının” 10 illiyi ilə bağlı yubiley toplantısı keçirildi. Qeyd edək ki, Avropa İttifaqı ölkələrinin və “Şərq tərəfdaşlığı” təşəbbüsünə qoşulan ölkələrin xarici işlər nazirləri tərəfdaşlığın 10 illiyinə həsr edilmiş yekun bəyannamədə tərəfdaş ölkələrin ərazi bütövlüklərinin vurğulanmaması narahatlıq yaradıb və müzakirələrə səbəb olub.

Mövzu ilə bağlı fikirlərini “Unikal” qəzeti ilə bölüşən politoloqlar sözügedən konfrans və yekunda qəbul olunan bəyannamə ilə bağlı mövqelərini ifadə ediblər.

Politoloq Elçin Abdullayev hesab edir ki, Avrtopa İttifaqı “Şərq Tərəfdaşlığı” (ŞT) proqramının işə salınmasının 10 illiyilə bağlı keçrilən tədbirin bəyənnaməsində Azərbaycanın ərazi bütövlüyü və suverenliyinin qeyd olunmamasın, bir daha təsdiq etdi ki, Azərbaycan Dağlıq Qarabağ münaqişəsində heç bir beynəlxalq təşkilata ümid etməməlidir: “Halbuki Avropa Parlamenti tərəfindən 2013-cü ilin oktyabrında qəbul olunan sənəddə “bir tərəf digər, tərəfin ərazilərini işğal edə bilməməz”liyi qeyd edilib. Eyni zamanda, Avropa komissiyasının sədri Jan-Klod Yunker “dondurulmuş münaqişələr Avropa üçün prioritetdir” deyir. Amma münaqişə yaradan tərəfə təyziq göstərilmir.
Bu cür ikili yanaşmaların özü göstərir ki, Qarabağdan ermənilərin çıxarılmasında nə ATƏT-in Minsk Qrupuna, nə Avropa Şurasına, nə BMT-yə ümid etmək olmaz. Onsuz da Azərbaycan tərəfi , 25 ildir bu təşkilatların sayəsində, Dağlıq Qarabağdan real olaraq xeyli uzaqlaşdırılıb. Məhz bu təşkilatların fəaliyyətsizliyi və sərt mövqeyinin olmamasından yaranan “cəsarətdir” ki, Ermənistanın Baş naziri Nikol Paşinyan Şuşaya gəlir və bizim torpaqda, bizim musiqi sədaları altında “Yallı” gedir. Başqa bir qatil, Ermənistanın keçmiş prezidenti, Xocalı soyqrımının iştirakçısı Serj Sərkisyan isə Ağdamın Mərzili kəndini ziyarət edib, azərbaycanlıların qanını axıtmış Melkumyan kimi terrorçunun məzarına çiçək qoya bilir”.
Politoloq onu da qeyd edib ki, birmənalı olaraq bilinməlidir ki, Ermənistana havadarlıq edən beynəlxalq təşkilatlar və o cümlədən Rusiya, Fransa kimi aparıcı ölkələr olmasaydı sadaladıqlarımız da olmazdı: “Ona görə də Azərbaycan Dağlıq Qarabağın işğaldan azad olunmasına dair oyun qaydalarının təməl prinsiplərində köklü dəyişikliklər etməlidir. Daha, Azərbaycan Xarici İşlər naziri Elmar Məmmədyarovun dediyi kimi: “erməni tərəfi sülh istəyirsə danışıqlar masasına oturmalıdr, uşaq söhbətlərinə qulaq asmamalıdr” formasında hürkək və qorxaq fikirlər səsləndirməməlidir. Əksinə dünyada qəbul edilmiş “Sülh istəyirsənsə böyük müharibəyə hazır ol!” tezisi üzərində ciddi, fəal və real iş aparılmalıdır. Özü də bu istiqamətdə aparılan iş çox sürətlə aparılmalıdı ki, dünya dövlətləri Ermənistanın ərköyün siyasətinə göz yummasın. Hamımız, əsasən də Azərbaycan iqtidarı birdəfəlik bunu dərk etməlidir ki, müharibə sülhün ən etibarlı açarıdır. Elə, 1994-cü ildə Atəşkəsin imzalanma məsələsinə baxdıqda biz bunu asanlıqla görə və anlaya bilərdik. Diqqət edin 6 rayonun işğalından sonar ermənilər atəşkəsə imza atmaq istəmirdilər. Ondan sonar Bakıdan genişmiqyaslı hucumla bağlı əmr gəldi və Azərbaycanın qəhrəman oğulları işğalda olan ərazilərimizi o cümlədən Horadizi və bu gün tez-tez adı çəkilən Cocuq Mərcanlını azad etdi. Bundan bir müddət sonar isə erməni tərəfi təşviş içində atəşkəsə razılıq verdi. Odur ki, Azərbaycan tərəfi bütün beynəlxalq təşkilatlarla siyasi və iqtisadi tərəfdaşlığını davam etdirmək şərtilə, müharibə ritorikasını sözdə deyil, əmələ çevirməlidir. Ondan sonra ermənilərin “yaxşı qonşuluq” prinsipinə şahidlik etmək olar”.