ŞAHMAT TAXTASINDA ŞAŞKİ OYNAYAN KOMANDA

Müsavat Partiyasında başqan seçkilərindən sonra məni müxalifətin hazırkı durumu yox, hakim komandanın durumu daha çox düşündürdü. Məlum obyektiv və subyektiv səbəblərdən ölkə müxalifəti istər qlobal, istərsə də taktiki siyasi proseslərə təsir edə bilmirdi. Ölkənin bu baxımdan siyasi məsuliyyəti tam olaraq mövcud hakim komandanın üzərinə düşür. Bu baxımdan hakim komandanın durumuna diqqət yetirmək çox vacibdir.

Parlamentin sağa və sola yürüyən deputatları

Bu gün Azərbaycan Milli Məclisi kifayət qədər dağınıq və ziddiyətli fəaliyyət nümayiş etdirməkdədir. Parlamentin böyük hissəsi YAP-dan seçilən deputatlar olsada məsələlərə yanaşmada stabillik müşahidə olunmur. Bir qrup Avropa, bir qrup Rusiya, bir qrup Türkiyə həvəsini açıq şəkildə nümayiş etdirməkdədir. Deyilə bilinər ki, bu fikir pülliarizmidir. Amma Fətullah Gülənçi məsələsi ortaya çıxanda aydın oldu ki, bu fikir pülliarizmi yox, hansısa maraqlara xidmət, lobbiçilik marağı ilə fəaliyyət göstərməkdən başqa bir şey deyil. Hazırda Milli Məclisi dəyərli edən təşəbbüskar, YAP maraqlarından çıxış etməyi bacaran Əli Hüseyinov, Səyavuş Novruzov və s. kimi millət vəkilləridir. Buda aydın oldu ki, bitərəf kimi parlamentə daxil olan millət vəkillərinin böyük əksəriyyəti qanunvericilikdən çox-çox uzaqdadırlar. Buna görə hesab etmək olar ki, həssas məqam yaranarsa parlament özünü itirmiş durumda qalacaq.

Nazir korpusunun qocalığı

Bu gün ölkədə ki, icraedici struktura da baxanda o qədərdə ürəkaçan mənzərə görmək mümkün deyil. İlk növbədə ona görə ki, hazırda nazirlərin böyük əksəriyyəti siyasi yüklü simalar yox, daha çox biznesə meyilli simalardır. Azərbaycanın hazırkı həssas məqamında isə biznes təfəkkürlü bir komanda ilə iş görmək inandırıcı deyil. Mənimlə razılaşarsınız ki, bu gün Ramil Usubov, Eldar mahmudov daha çox siyasi simaya çevriliblər, nəinki siyasi yükü olmalı olan nazirlər. Ən təhlükəlisi isə budur ki, məlum nazirlərin ciddi biznesləri var və bu biznes şəbəkəsi ölkədən kənardadır. Bunun nə demək olduğunu izah etməyə isə ehtiyac yoxdur.

Əla baxan yerli orqanlar

Nəhayət, gəlin indi də yerli icra orqanlarının durumuna baxaq. İlk baxımdan götyürəndə belə təsəvvür yaranır ki, yerli icra orqanları mərkəzləşmiş şəkildə fəaliyyət göstərirlər və buda özlüyündə yaxşı haldır. Amma məsələnin mahiyyətinə varanda bunun tam əksini görürük. Görürük ki, icra başçıları mərkəzdən qaçma halındadırlar və onlara hansısa nazirlərin daha çox təsiri var. Ən ağrılı hallardan biri də budur ki, icra başçılarının bir qismi hansısa nazirin, dövlət məmurunun qohumudur. Bu isə o deməkdir ki, idarəetmədə tayfaçılıq daha effektlidir, nəinki mərkəzləşmiş idarəetmə. Bir müddət öncə İsmayıllıda, Qubada baş verən proseslərdə bunu sübut etdi.

Qorxulu tüfan

Belə bir durumda kənar təsirdən danışanda göz qabağına nə gəlir? Göz qabağına gələn budur ki, yerli icra strukturları anındaca çaşqın hala düşəcək, nazir korpusunun böyük bir qismi gözləmə mövqeyi tutmaqla mövqe seçməyə cəhd edəcək, parlament isə məsuliyyətdən kənarda qalmağa çalışacaqlar. Beləliklə çıxartdığımız nəticə budur ki, bu gün meydanda İlham Əliyevin yürütdüyü çoxşahəli siyasətin davamlı icrası Ramiz Mehdiyev, Əli Həsənov da daxil olmaqla bir neçə şəxs tərəfindən həyata keçirilir.

Bəlkə nə isə düşünəyin...?