“Şagirdlərin yaradıcılıq qabiliyyətlərinin inkişaf etdirməklə yol hərəkəti qaydalarının təbliği” təlim başladı

Bu gün Demokratiyanın və Milli Dəyərlərin Təbliği İctimai Birliyi Kəlbəcər rayon 23 saylı tam orta məktəbdə Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının dəyərləndirib maliyyələşdirdiyi “Şagirdlərin yaradıcılıq qabiliyyətlərinin inkişaf etdirməklə yol hərəkəti qaydalarının təbliği” mövzusunda təlimini reallaşdırdı. Təlim Dövlət Himnimizin səslənməsilə başladı.
Sonra təlimçi şagirdlərlə qısa tanışlıqdan sonra mövzu haqqında məlumat verdi və layihənin əhəmiyyəti barədə danışdı və dərs vəsaitlərini uşaqlara payladı. Təlimçi bildirdiki, sizlər yol hərəkəti qaydalarını öyrənməklə yanaşı, yaradıcılıq potensiallarınız da üzə çıxaracaqlar. Daha sonra təlimçi bildirdi ki, hər gün yol hərəkət qaydalarının pozulması səbəbindən baş verən ağır və yüngül xəsarətli olaylar barədə məlumatlar media qurumlarında yer alsa da, onların başvermə səbəbləri və bu səbəblərin maarifçilik yolu ilə aradan qaldırılması yollarının təbliği çox aşağı səviyyədədir. Bizim əsas hədəfimiz sizə yol hərəkəti qaydaları haqqında geniş məlumat verməklə sizin hər birinizi bu sahədə təbliğatçıya çevirməkdir. Düşünürük ki sizi maarifləndirməklə baş verə biləcək bədbəxt hadisələrdən sizi və ətrafınızdakı insanları qoruya bilərik. Bundan əlavə biz sizlərə yol nişanları və mənaları haqqında məlumat verəcəyik. Siz mövzu ilə əlaqədar kiçik səhnəciklər təşkil etməklə və eyni zamanda rəsm çəkmək, şeir söyləməklə yaradıcılıq potensialınız üzə çıxacaq. Təlimlər nəticəsində mənimsəmiş olduğunuz bilgilər sizdə nümunəvi davranış qaydalarına gətirib çıxaracaqdır. Təlimçi bir daha bildirdi ki sizlərin fərdi qabiliyyətlərinizin üzə çıxarılması üçün şans yaradılacaqdır. Rəsm çəkmək , şeir demək və kiçik səhnələrin təşkili sizin qabiliyyətlərinizi həm üzə çıxarır, həm də inkişaf etdirərək formalaşdıracaqdır. Sonra təlimçi mövzu ilə əlaqədar olaraq şagirdlərin bilik və bacarığını müəyyən etmək üçün onlara aşağıdakı sualları verir. “İşıqfor nə üçün lazımdı?”, “Ata səni gözləyirəm fikrini necə başa düşürsünüz?” , “Yol qəzası deyəndə nə başa düşürsünüz? ” ,” Yol nəqliyyat hadisələrini yaradan səbəb nədir?” “Yaradıcı insan kimə deyilir”, “Piyada keçid nişanları nə üçün lazımdı?”, “Niyə yol hərəkatı qaydalarına riayət etməliyik”, “ Evə gec gələndə valideyinləriniz niyə narahat olur” ,“Özünəgüvən hissi nədir “ və s. şifahi sorğular təqdim edir. Sörğu sualda şağirdlərdən Kazımzadə Kənan,Kərimova Qəmər, Əlicanlı Nazənin, Bağırova Aysu, Şəfərli Şükran və s.fəallıq gösrərdilər.Sual-cavabdan sonra təlimçi mövzunun qoyuluşu kontekstində və görəcəyimiz işlər barədə uşaqlara qısa məlumatlar verdi. Eyni zamanda təlimçi fikirlərini əsaslandırmaq məqsədilə mövzu ilə əlaqədar divardan asılmış əyani vəsaitdən də istifadə edirdi.
Təlimin sonun da söz layihənin rəhbəri, DMDT-İB sədri Əli Cəfərova verildi:“Maarifçiliyə hesablanmış bu addımımız özü ilə digər bir maarifçilik ideyasını da gündəmə gətirməyimizlə nəticələnəcək. Belə ki, sizləri yalnız nəzəriyyə ilə məlumatlandırmaq hələ işin yarısı hesab olunur. Təcrübə göstərir ki, nəzəri biliklərdən fərqli olaraq, ümumiyyətlə praktiki işlər və hərəkətlilik onların diqqət və marağını özünə daha çox cəlb edir. Üstəlik şübhə yoxdur ki, ilk yerləri qazanmaq uğrunda təşkil edəcəyimiz müxtəlif səpkili yarışlar - sual-cavab, rəsm müsabiqələri, səhnəciklər sizlərin yol hərəkəti qaydalarını mükəmməl öyrənmənizlə nəticələnəcəkdir. Həvəsləndirici mükafatların təqdim edilməsi isə bu yarışları, xüsusilə də yarışlar vasitəsilə öyrəndikləriniz sizlərin yaddaşlarınıza əbədi həkk olunacaqdır”. Eyni zamanda Əli müəllim bildirdi ki, layihə çərçivəsindəki təlimlər vasitəsilə şagirdlərimiz bir sıra neqativ hallardan, zərərli vərdişlərdən də uzaqda dura biləcəklər. Bu da şübhəsiz ki, sağlam düşünən və sağlam bədənli ölkə vətəndaşlarının yetişməsində əhəmiyyətli bir amil kimi yaddaşlarda qalacaqdır. Sonda Əli müəllim məktəbin direktoru Həqiqət xanıma təşəkürünü bildirdi. Sonda snif rəhbəri Lalə xanım təlimçiyə və rəhbərliyə öz təşəkkürünü bildirdi.