Əli İnsanov plagiatlıqda ittiham olundu - HƏP-in bayrağı "oğurluq" çıxdı

"Sabiq səhiyyə naziri Əli İnsanov Facebook səhifəsində partiyası haqqında məlumat yazıb və partiyasının bayrağı olaraq Doğru Yol Partiyasının bayrağını seçib. Bu hərəkət plagiat kimi qiymətləndirilməlidir".

GÜNpress.az xəbər verir ki, bu fikirləri Doğru Yol Partiyasının Təşkilat Komitəsinin sədri Kəramət Salah səsləndirib. K.Salah qeyd edib ki, Doğru Yol Partiyası 2013- cü ildən Azərbaycanda yeni siyasi xətti, prinsipləri əsas tutaraq qurulan partiyadır və Azərbaycanda Milli Görüş siyasi platformasının ilk təşkilatıdır:
"2013–cü ildən təşkilatlanmağa, rayon və şəhər təşkilatlarının qurulması istiqamətində fəaliyyətini davam etdirir. Biz partiya olaraq siyasi fəaliyyətimizdə əxlaq və mənəviyyatı önə çəkib, cəmiyyətin tək maddi inkişafı deyil mənəvi qalxınmasını əsas hesab edirik. Azərbaycan siyasi meydanında siyasi əxlaqa üstünlük verən siyasətçilərə böyük ehtiyacın olduğu artıq zərurətə çevrilir.

Bir neçə gün əvvəl partiyamızın üzvlərindən biri sosial şəbəkədə keçmiş səhiyyə naziri Əli İnsanovun yeni qurmaqda olduğu partiyasının toplantısı haqqında yazdığı qeydləri mənə məlumat verdi. Eks nazir təşkilatının simvollarının müzakirə etdiyini və Cümhuriyyətimizin ilk bayrağını təşkilat simvolu olaraq qəbul edəcəklərini müzakirə etdiklərini qeyd edib. Məlumat verim ki, həmin bayraq 1918- ci ilin 21 iyun tarixindən 09 noyabr tarixinə qədər Cümhuriyyətin ilk bayrağı olub və tarixdə qeyd edildiyinə görə 1918 ci ildə 17 noyabr tarixində Bakını işğal üçün gələn İngilis general Tomson qırmızı və səkkizguşəli ay udluzlu bayrağın Türkiyə bayrağının oxşarı olduğu üçün mənfi münasibət bəsləyib. Biz dövlətçilik tariximizi təbliğ etmək, yaşatmaq üçün Doğru Yol Partiyası olaraq həmin bayrağı 2013- cü ildən partiyamızın simvolu olaraq seçmişik. Dəfələrlə müsahibələrimizdə partiyamızın simvolları- bayraq və logo haqqında məlumat vermişik, mən özüm 2015- ci ildə Millət Vəkilliyinə namizəd olarkən seçicilər ilə görüşlərimdə həmin bayrağı Doğru Yol Partiyasının simvolu olaraq istifadə etmişik.

Son bir ay ərzində partiya quruculuğna təşəbbüs edən Əli İnsanovun Doğru Yol Partiyasının simvolunu öz partiyasının adına çıxması hesab edirəm ki, heç bir siyasi əxlaqa, normaya uyğyn deyil. Partiyasının adını ədalət, haqq seçən siyasətçinin ilk addımları ədalətsiz, haqsızdırsa o təşkilat və siyasətçi siyasətdə nə uğur qazana bilməz nədə çox uzun müddətli siyasi fəaliyyət göstərə bilməz.

Biz eks nazirin təşkilatına yeni simvol seçimində siyasi əxlaqı əsas tutmağa, iddia etdikləri kimi, haqq, ədalət prinsiplərini pozmamağa çağırıram. Əgər bu yanlış düzədilmərsə Doğru Yol Partiyasının 2013 cü ildə verdiyi qərara hörmətsizlik edib partiyanın simvolu olaraq qəbul etdiyi bayrağı öz təşkilatlarının simvolu seçərlərsə bu addım siyasi plagiatlıq kimi qiymətləndiriləcək".