"Konstruktiv müxalifət partiyası olaraq seçkilərdə iştirak edəcəyik" - Partiya sədri

"Konstitusiya Məhkəməsinin Plenumu Milli Məclisinin buraxılmasının Azərbaycan Konstitusiyasına uyğun olması barədə qərar qəbul edib və beləliklə də, növbədənkənar seçkilərin keçirilməsinin qanuni əsasları olduğunu təsbit edib".

Bu fikirləri Təkamül Partiyasının sədri Teyyub Qənioğlu səsləndirib. Partiya sədri deyib ki, uzun müddət idi ki, cəmiyyətdə Milli Məclisə növbədənkənar seçkilərin keçirlməsinin məqsədəuyğunluğu barədə diskusiyalar gedirdi:
"Reallığı nəzərə alan parlament çöxluğu-YAP üzvü olan millət vəkilləri-nəhayət bu təşəbbüslə çıxış etdi və Milli Məclisə yeni seçkilərin keçirilməsi reallığa çevrildi. Biz, Təkamül Partiyası olaraq, Konstitusiya Məhkəməsinin qərarını alqışlayırıq və konstruktiv müxalifət partiyası olaraq seçkilərdə iştirak edəcəyik. Təki xalqımız və dövlətimiz-dövlətçiliyimiz üçün xeyirli, uğurlu olsun".