Arif Hacılının müavini vəzifəsindən gedəcək

"Müsavat Partiyasının başqan müavinliyi postundan gedəcəyəm. Bundan sonra fəaliyyətimi Məclis sədri kimi davam etdirəcəm".
Bunu "Report"a açıqlamasında Müsavat Partiyası başqanının müavini və Məclis sədri Nüşabə Sadıxlı deyib. O bildirib ki, başqan müavinliyindən getməsinin səbəbi bu posta digər iddialı müsavatçıların olması ilə əlaqədardır: "Hər iki postda təmsil olunmağım Nizamnamə pozuntusu deyil. Amma düşünürəm ki, bu postdan getməliyəm. Çünki xeyli müsavatçı var ki, partiyanın idarəçiliyində rol ala bilər. Həmin müsavatçılar da rəhbərlikdə təmsil olunub, xidmətlərini göstərməlidirlər. Müavinlikdən gedişimin səbəbi bundan ibarətdir".
N.Sadıxlı qərarını partiya rəhbərliyi ilə müzakirə etmədiyini bildirib.