Qadınlar Bakıda etiraz aksiyası keçirib - Fotolar

Bu gün saat 15.00 radələrində bir qrup feminist qadın Bakının Nizami küçəsində, “Torqovı” adlanan ərazidə aksiya keçirib.

GÜNpress.az "Yeni Sabah"a istinadla xəbər verir ki, aksiya iştirakçıları qadınlara qarşı zorakılığı və qadınların qətlə yetirilməsini pisləyib, “Şiddətə susma!”, “Şiddətə dözmə!” şüarları səsləndiriblər.

Onlar Azərbaycanın məişət zorakılığına qarşı mübarizəni nəzərdə tutan İstanbul Konvensiyasına qoşulmasını tələb ediblər.

Polis icazəsiz aksiyanın qarşısını alıb. Aksiyada heç bir insident baş verməyib.