Alim Qasımov Almaniyada konsert verdi

Xalq artisti, tanınmış muğam ifaçısı Alim Qasımov Almaniyadan səfərdən qayıdıb.

Bu barədə AzNews.az-a Alim Qasımov özü məlumat verib. O, bildirib ki, Almaniyada böyük bir konsert proqramı ilə çıxış edib: “Almaniyadan dünən qayıtmışıq. Möhtəşəm bir konsert layihəmiz oldu. Tamaşaçılar çox razı qaldılar. Konsertdə mənimlə birlikdə qızım, əməkdar artist Fərqanə Qasımova və ansambılımız iştirak edirdi. Biz bu konsertdə Azərbaycan muğamlarından və xalq mahnılarından ifalar səsləndirdik”.