15 yaşlı qız lüt şəkli ilə şantaj edildi - AZƏRBAYCANDA

15 yaşlı Azadə Əliyevanı (ad şərtidir) şantaj edən keçmiş sevgili şəkilləri onun qardaşına göndərib.

Buna səbəb kimi isə qızın onun icazəsi olmadan məktəbə getməsini göstərib.

17 yaşlı oğlan 15 yaşlı sevgilisi ilə danışmaq üçün ona mobil telefon verib və daha sonra qızdan ona lüt şəklini göndərməyi tələb edib. Qız bu tələbə əməl edib. Sonradan oğlan onun məktəbə getməsini istəmədiyini bildirərək evdən çıxmamağı tapşırıb. Qız isə təhsilini davam etdirmək istədiyindən gizlincə məktəbə gedib.
Buna əsəbləşən 17 yaşlı yeniyetmə qızın şəkillərini onun qardaşına göndərib. Bundan əvvəl də bir dəfə telefonla danışdığı üçün qardaşı tərəfindən döyülərək xəstəxanaya düşən qız problemi anasına xəbər verib və qardaşının onu öldürəcəyindən qorxduğu üçün evdən qaçıb.

Bakıya gələn 15 yaşlı qız bir gün parkda gecələyib. Səhəri gün qızı parkda ağlayan görən naməlum qadın “Təmiz dünya” İctimai Birliyinə zəng edərək bu barədə təşkilat əməkdaşlarını məlumatlandırıb.

“Təmiz dünya”nın nümayəndələri qızı parkdan sığınacağa aparıblar. Ailəsi ilə əlaqə yaradılıb və qız əmisinə təhvil verilib. Qızın ailəsi onu şantaj edən yeniyetmə ilə bağlı hüquq-mühafizə orqanlarına şikayət edəcəklərini bildiriblər.

Məlumat üçün bildirək ki, qızın atası Qarabağ əlili olub və xəstəlikdən vəfat edib.

İnterpress.az