Bakıda əməliyyat- 3 nəfər həbs olundu

Bakı şəhər BPİ Narkotiklə qarşı Mübarizə İdarəsi əməkdaşlarının keçirdiyi əməliyyat-axtarış tədbirləri nəticəsində, Bakı şəhəri ərazisində narkotiklərin qanunsuz dövriyyəsində və oğurluqda şübhəli bilinən qrup, Bakı şəhər sakinləri – 1989-cü il təvəllüdlü Ruslan Babayev, Zaur Kazımov, Nazim Babayev yaxalanaraq istintaqa təhvil verilib.

"Qafqazinfo"ya daxil olan məlumata görə, ilkin əməliyyat istintaq araşdırmaları ilə müəyyən olunub ki, şübhəli şəxslər mağazalardan taladığı qiymətli spirtli içkiləri və şirniyyatları paytaxt ərazisində dəyər-dəyməzinə sataraq, əldə olunan gəliri bərabər bölüblər.

Z.Kazımov, N.Babayev bu vəsaiti narkotiklərə, R.Babayev öz şəxsi ehtiyaclarına xərcləyərək vətəndaşlara külli miqdarda maddi ziyan vurub. Şübhəli şəxslər ətrafında əməliyyat-istintaq tədbirləri davam etdilir.