Nizami İsgəndərov-49

Nizami İsgəndərovu çoxdan tanıyıram. Onun həyatda qazandığı uğurların çoxuna şahidlik etmişəm. Nizami müəllim haqqında danışmazdan qabaq atası Zaman kişinin adını çəkməsəm günüh olar.

Çünki insan da ağac kimidir. Kökündən su içir, köküylə tanınır. Kök nə qədər dərinə gedirsə o ailə, şəcərə də yüksəklərə ucalır. Ağac nə qədər boy atarsa, şaxələnərsə kölgəsi də bir o qədər əhatəli olur. Ona pənah gətirənlərin, kölgəsinə sığınanların sayı çox olur. Məhz Nizami müəllim də bu cür soyun, kökün nümyəndəsidir. Bölgədə hamının gözəl tanıdığı, sözü üzə deyən, xıltı-küdurəti olmayan Zaman İsgəndərovun oğludur.

“Ot kökü üstə bitər” deyib atalar. Məhz bu tərbiyənin nəticəsidir ki, Nizami müəllim də öz xeyirxahlığı ilə ad çıxarıb. Qapısına gələnə, ona pənah gətirənə əl tutur. Məhz qazandığı hörmətin nəticəsidir ki, Nizami müəllim 3-cü çağırış Milli məclisin deputatı seçildi. Bir millət vəkili kimi Azərbaycanı müxtəlif beynəlxalq təşkilatların iclaslarında təmsil etdi. Xalqımızın haqq səsini dünyaya yaydı. Müxtəlif yüksək vəzifələrdə təmsil olundu.

Bu gün də Nizami İsgəndərov ölkəmizin iqtisadi cəhətdən daha da inkişafı üçün öz bilik-bacarığını əsirgəmir. Dövlət başçısı İlham Əliyevin yürütdüyü siyasətin həyata keçməsi yolunda ilk sıralarda addımlayan mübariz insanlardan biridir. Əqidəli, sədaqətli insandır. Artıq 49 yaşına vida deyib, əlliyə adlayır. Bu yaşda geriyə boylanmaq, fəxrlə nail olduqlarına baxmaq hər adama nəsib olmur. Amma Nizami İsgəndərov o xoşbəxt şəxslərdəndir ki, gördüyü işlərlə, həyatda qazandıqlarıyla, dostlarıyla fəxr edə bilər. Təbrik edirəm!

Eldəniz Elgün