Rusiyanın Müdafiə naziri Azərbaycana gəlir

Rusiya Federasiyasının Müdafiə naziri Sergey Şoyqu Azərbaycana rəsmi səfərə gələcək. Bu barədə Müdafiə Nazirliyinin mətbuat xidmətindən Gunpress.az saytına məlumat verilib.

Məlumatda bildirilib ki, oktyabrın 13-də Rusiya Federasiyasının Müdafiə naziri, ordu generalı Sergey Şoyqu Azərbaycan Respublikasına rəsmi səfərə gələcək.

Səfər çərçivəsində qonağın Müdafiə Nazirliyində görüşü və iki ölkənin Müdafiə Nazirliyi arasında 2015-ci il üçün Əməkdaşlıq Planının imzalanması planlaşdırılır.