NİYƏ QƏTL EDİLDİK?

Virus bəlkə bilərəkdən, bəlkəbir xatadan, bəlkə də bir məsuliyyətsizlik üzündən dünyanı sanki əsir aldı. İnsanlığa çox çətin və acı günlər yaşatdı və hələ də yaşatmaqdadır. Xata və məsuliyyətsizlik zamanla yaddaşlardan silinib bağışlana bilər… Amma bilərəkdən edilən əsla! Eynən kin, nifrət qusub qətliam, soyqırım yapanların bağışlana bilminəyəcəyi kimi… Bütün millətlərin bir “Millət yaddaşı” vardır. Unutmazlar. TÜRK MİLLƏTİ də unutmaz! Unutması da mümkün deyildir. Elə buna görə də Azərbaycan Türkləri də 31 Martı “SOYQIRIM GÜNÜ” elan etdi. Bütün şəhidlərimizin ruhu şad olsun!
Yaxşı, bəs nə olmuşdu ki, Azərbaycan Türkləri bu tarixi “SOYQIRIM GÜNÜ” elan etmişdi?
Tarix – 31 mart 1918-ci il… Bolşevik Rusiya və erməni terror dəstələri tarixin ən qanlı qətliamlarından daha birinə imza atdı. Azərbaycan Türk torpaqlarında çocuq, yaşlı, qadın demədən təxminən 1000 min Türk erməni terror dəstələri tərəfindən vəhşicəsinə qətl edildi. Kimisi canlı-canlı torpağa gömüldü, kimisi güllələndi, kimisi məscidlərdə diri-diri yandırıldı. Yüz minlərlə insan yurdlarından didərgin salındı, köçməyə məcbur edildi. Tarix belə bir vəhşilik görmədi!..
Bolşevik Rusiyadan dəstək alan gözü dönmüş, vəhşi erməni terror dəstələri Azərbaycanda bir milləti --- TÜRK millətini yox etməyə qalxdı. Bu qətliamlar sadəcə Bakıda olmadı. Şamaxı, Quba, Qarabağ, Naxçıvan, Zəngəzurda və başqa Azərbaycan torpaqlarında, rəsmi məlumatlara görə, 100 min TÜRK yox edildi, soyqırıma məruz qaldı.
Ermənilər sadəcə 1918-ci ildə deyil, 1905-1906, 1918-1920, 1948-1953 və 1988-1989-cu illərdə də Türklərə qarşı etnik təmizləməyə girişdilər. Son olaraq 26 fevral 1992-ci il tarixdəki XOCALI QƏTLİAMI ermənilərin gerçək üzünü bir daha ortaya çıxardı. Yüzlərcə Türk bir gecədə vəhşət yaşadı. Yüzlərcə Türk qətl edildi. Yüzlərcəsi əsir edildi. Yaxşı, bunlar soyqırım deyil, bəs nədir?! Birləşmiş Millətlər Təşkilatı soyqırım ifadəsini belə izah edir:
“SOYQIRIM – bir millət və ya din mənsublarının bilərəkdən və düzənli bir şəkildə yox edilməsidir”.
Amma bu vəhşət dünyada soyqırım olaraq tanınmadı. Əsl sual budur: Tarix boyunca hər zaman ermənilər tərəfindən niyə qətl edildik? Türk və ya müsəlman olduğumuz üçünmü? “Böyük Ermənistan” xəyalları üçünmü? Yoxsa ermənilərin imperialist dövlətlər tərəfindən idarə olunmağa hazır olduqları üçünmü?
Son yüz ildəki qətliamlara baxdığımızda ermənilərin arxasında hər zaman Rusiyanın olduğunu görürük. Əslində, rusların ən böyük qorxusu TÜRK-lərdir. Özəlliklə də, Anadolu Türkləri. Baxın, Rus çarı I Pyotr öz siyasi kursunu, siyasi proqramını 17-ci yüzillikdə hazırlamışdır. I Pyotrun siyasətinə görə Anadolu Türkləri ilə heç bir Türk dövlətinin sərhədi olmamalıdır. Türk dövləti olan Osmanlı İmperatorluğu ilə yenə bir Türk dövləti olan Səfəvi İmperatorluğunun qonşu dövlət olması kimi. Araya yerləşdirilməyə çalışılan dövlət isə bu məqsədlə sonradan yaradılan indiki Ermənistan. Rusiya son 300 ildə hər zaman bu siyasətlə erməniləri Türklərə qarşı qaldırdı, dəstəklədi, xəyallarına çatmaq üçün həvəsləndirdi. Beləcə, qətliamların tətikləyicisi və baş səbəbkarı oldu. Bu üzdən TÜRK milləti tarixi yaxşı bilməli! Özünə yapılanları əsla unutmamalı və unutdurmamalı! Qətliam maşalarını da, arxasındakı gücləri də…

Yüksel Değercan