Xeberlent.az saytının facebook səhifəsi bloklanıb - SOCAR-ın idarə rəisinə görə

Xeberlent.az saytının facebook səhifəsi bloklanıb, saytın özünün materiallarını da bu sosial şəbəkədə paylaşmaq mümkün olmur.

Bu barədə saytın baş redaktoru Bəhruz Salmanov məlumat verib. Onun sözlərinə görə, dünən AFN-də SOCAR-ın Sərmayələr İdarəsinin rəisi Vaqif Əliyev və qohumlarının adı keçən şikayət yazısını dərc etdikdən sonra saytın səhifəsi şikayət edilib. Ondan sonra isə səhifə bloklanıb: "Saytın heç bir materialını, linkini feyzbukda paylaşmaq olmur. Görünür blok qoyulub".