Partiya sədrindən xüsusi tapşırıq

Bu gün Müasir Müsavat Partiyasının sədri Hafiz Hacıyevin rəhbərliyi ilə partiyanın bir qrup ziyalısı və Siyasi Şuranın ağsaqqalıları bir araya toplanıb. Toplantıda çıxış edən partiya sədri MMP-nin nöbvəti yeni ilədək görüləcək işlərindən, partiya qəhbərliyi qarşısında qoyulacaq vəzifələrdən və onların həyata keçirilmə mexanizmlərindən qısaca bəhs edib. H.Hacıyev bildirib ki, əsas vəzifələrdən biri partiyanın rəhbər strukturlarında islahatların aparılmasıdır: “Bu islahatlar öncə partiyanın rayon təşkilatlarında müzakirə olunmalı və təkliflər rəhbərliyə təqdim olunmalıdı, sonradan isə Siyasi Şuranın müzakirəsinə verilməlidir. Həmçinin partiyanın İdarə Heyətinin qərarı ilə yaradılan təbliğat və təşviqat qruplarının üzərinə milli dövlətçilik maraqlarının qorunması xidmət edən vəzifələr qoyulub ki, onlar zaman gözlənilmədən həyata keçirilməlidir. Bu vəzifələr xalq arasında dağıdıcı, destruktiv mövqedən çıxış edən qüvvələrin planlarının pozulmasına yönəldilməlidir. Biz imkan verməməliyik ki, milli dövlətçiliyimizə, Azərbaycanın müstəqilliyinə təhlükəli olan radikal qüvvələr Qərbin planlarını burada həyata keçirsinlər. Bunun üçün xalq arasında ideoloji işimizi gücləndirməliyik. Bunu bizdən Azərbaycanın bugünki siyasi reallığı, siyasi həyatı tələb edir”.
Daha sonra çıxış edən Siyasi Şuranın ağsaqqal üzv və partiyanın ziyalıları bu kimi işlərin həyata keçirilməsi mexanizmləri ilə bağlı fikir mübadilələri aparıblar.
Sonda H.Hacıyev toplantı iştirakçılarna xüsusi tapşırıqlar verib.