“10 minlərlə qız uşaqlarını abort edən həkimlər genefondumuzu məhv edirlər"

Niyaməddin Orduxanlı: “Bunu edən həkimlər cinayətkarlardı. Onlara ən ağır cəza verilməklə yanaşı, həkimlik fəaliyyəti də ləğv edilməlidir. Təcili bunun qarşısı alınmalıdır".

Ailə, Qadın və Uşaq Problemləri üzrə Dövlət Komitəsinin “son illər Azərbaycanda qadınların sayı 10 minlərlə azalıb . Əgər qız uşaqları abort vasitəsilə öldürülməsəydi, Azərbaycanda hər 100 qıza 105 oğlan düşəcəkdi. Ölkədə qız uşaqlarının abort yolu ilə öldürülməsi halları hələ də mövcuddur. Ona görə də hər 100 qıza 115 oğlan düşür. Bu da o deməkdir ki, ölkədə qadınların sayında əvvəlki illərə nisbətdə ciddi şəkildə azalma müşahidə olunur. Bununla da balans və tarazlıq pozulub. Ona görə də cins nisbətinin pozulması halları gələcəkdə böyük problemlərə gətirib çıxaracaq.” –açıqlamasına kəskin narahatçılığını bildirən BAXCP sədrinin müavini, ictimai fəal QHT sədri Niyaməddin Orduxanlı açıqlama verib. Onun sözlərinə görə, Dövlət Komitəsinin rəsmilərinin bu açıqlamasından dərhal sonra özünün facebook səhifəsində ictimai müzakirə açıb:

“Mənim səhifəmdə on minlərlə izləyici var. İki gündür Dövlət Komitəsinin qız uşaqlarının kəskin azdılması xəbəri ilə bağlı yazdığım status geniş müzakirə edilir. Ciddi narahatcılığımı yazmışam. Bu hadisəni sükutla qarşılamaq olmaz! Və bunun qarşısının alınması üçün qanunvericilik də ciddi dəyişikliklər olunmasını və qız övladlarımızı məhv edən həkimlərə ən ağır cəzanı verilməklə yanaşı onların həkimlik fəaliyyətinə qanunla ləğv edilməsini təklif etmişəm. Hətta bu məsələdə həkimlərlə cinayətə girən valideyinlərin də cinayətə cəlb edilməsi olmalıdır. Bilirsiniz, on minlərlə qız övladlarımızın məhv edilməsi üçün bir dövlət olaraq nə deməkdir?! 21 əsrdə bunun baş verməsi çox dəhşətli faktdır. Biz mütləq şəkildə bunun qarşısının alınması üçün müvafiq addımlar atmalıyıq. Bunlar tək özlərinə deyil, dövlətə və xalqımıza ciddi ziyan vururlar. Genefondumuzu məhv edirlər. Hətta statusum da yazmışam ki, bir müddətdən sonra oğlan övladlarını arzulayan valideyinlər fikirləşmir ki, bunu hansı ana dünyaya gətircək?! Bu cür cahilik təfəkkürün inkişaf qəti şəkildə alınmalıdır. Düzüdür yüzə yaxın şəxs, xüsusən həkimlik peşəsi ilə məşğul olan şəxslər mənim fikirlərimi dəstəklədilər. Ancaq bütün cəmiyyət bu məsələyə diqqət ayırmalıdır. Vətəndaş Cəmiyyətinin nümayəndələri təşəbbüs qaldırmalıdır! Niyə susursunuz?! QHT rəhbərləri susmamalıdır! Ziyalılar, siyasətçilər, deputatlar bu məsələ öz mövqeyini nümayiş etdirməlidirlər. Düşünürəm ki, bunun qarşısının alınması üçün Milli Məclisdə qanunla əlavə və dəyişikliklər olmalıdır. Təbii ki, həkim müdaxiləsinin qacılmaz olduğundan söhbət getmir. Əvvəlcədən gələcək övladının cinsinin qız olduğunu bilib və bu səbəbdən həkim-cəlladla pulun müqabilində bu cinayəti törədən şəxslərlə bağlı çox sər qanun qəbul edilməlidir! “