YÜKSƏLİŞ ZAMANLA QAZANILIR...

Tələbə yoldaşlarımı tez-tez xatırlayıram. Kim necə idisə, o cür də yadda qalıb.
Vaqif Əlisoy secilirdi. Bizi bir yerə toplayıb, deyirdi: ,,Dostlar, mən o adamları sevirəm ki, gələcək qarşısında məsuliyyət, kecmiş qarşısında etiram, indinin özündə fədəkarlıq hiss etsin...,,
Vaqif 40 ildən sonra da bu sözləri deyir. Bu sözlərlə o, Vətən qarşısında şərəfli bir ömrün xəritəsini cızır. Fəal mövqe aydınlığı ilə...
İnstitutu bitirdikdən sonra bir müddət müəllimliklə məşğul olduq.
Vaqif qanicən ermənilər torpaqlarımıza basqın edəndə, daha tanınmağa başladı. İşilə, əməlilə. Cəbrayılda döyüş taktikasını, deyilənə görə, çox gözəl bilirmiş, 14 kənd ermənilərdən alınanda fədəkarlıq göstərmişdir. ,,Yüksək, çətin keçilən dağlı-meşəli yerlərdə vuruşurdular. Vaqif kimi oğullar yurdumuza bahar gətirməkdən ötrü ər doğulublar...
Vaqif Əlisoy, həqiqətən, fəxr edilə bilən, özünü döyüşdə də, digər işlərdə də təsdiq etmişdir.
Vaqif özü qədər məğrur və səmimidir. Tez-tez müsahibələr verir, sosial şəbəkələrdə yazır ki, həyata, dünyaya, cəmiyyətə hər kəsin özəl baxışı olmalıdır və çox aydın bir dildə olmalıdır.
Düşünürəm ki, Vaqifdə mənəviyyat ucalığı çox yüksəkdir. Faciələrimiz başlananda o, cəmiyyətin və zamanın ağrılarını öz çiynində fədəkarlıqla daşımışdır. Daim hərəkətdədir, Azərbaycan xalqının firəvan həyatı üçün yeni fikir və təkliflərlə çıxış edir.
O nə qədər insanları sevindirmişdi. 90-cı illərdə. Əsirləri dəyişdirmiç, şəhidləri geri almışdı. El-obasını ləyaqətlə təmsil etmişdir. Bu və ya digər xeyirxah işlərinə görə Vaqifə indinin özündə də böyük maraq var. Ona görə ki, o, xeyrin və aydınlığın tərəfindədir. Tələbə yoldaşımız, tanınmış yazıçı, xeyli sayda romanların müəllifi Azad Qaradərəli Vaqif Əlisoyu əfsanəvi qərrəman, Milli qəhrəman hesab etməkdə haqlıdır.
Keçmiş döyüşçü 1988-ci ildən başlayaraq Qarabağ, ərazi bütövlüyü və müstəqilliyimiz uğrunda mübarizə apapır. Xalq hərəkatının rəhbərlərindəndir.Qarabağ komitəsinin üzvü düşəndə deyir ki, ,,erməni vəhşiliyini mənim kimi görən olmayıb,,
O, Qarabağ qazisi kimi dövlət və hökumət rəhbərləri qarşısında tələblərlə çıxış edir. ,,Xalqı aldatmaq olmaz, həqiqət nədir, onu demək lazımdır,, Bu tələblər qətidir. Vaqifin müraciətləri səviyyəlidir, kecərlidir.
Krçmiş döyüşçü indi yaşının müdriklik dövrünü yaşayır, torpaqlarımızın yağı-düşməndən geri alınmasına sevinir, amma kədərlənir də. Torpaq elə-belə alınmır, qan bahasına, Şəhid qanı ilə. Tanrı Şəhidlərimizin qanını yerdə qoymadı.Allah onlara dönə-dönə rəhmət eləsin.
Vaqif də hələ azad olunmuş torpaqlarımıza gedə bilməyib. O torpaqlarda görüşənədək, əziz Vətənsevər!!!Gələcək işlərində uğurlar, cansağlıgı diləyilə...

Filologiya elmləri doktori, professor, AMEA Dilçilik İnstitutu, Müasir Azərbaycan dili şöbəsinin müdiri İsmayıl Kazımov