Nazənin: "Təranə Qumral üzr istəməlidir, vəssalam"

“İnşallah, 10 gün ərzində qətnamə çıxacaq. Qətnaməninin surətini hamıya təqdim edəcəm. Ondan sonra kimin qalib gələyi bilinəcək”.

Bu sözləri Teleqraf.com-a müğənni Nazənin deyib. O bildirib ki, məhkəmənin qərarı dəyişməyəcək: "Hər şey yerindədir. Sadəcə, orada pul və üzr istəmək məsələsi var idi. Təbii ki, üzr istəməyi daha üstün tuturam. Çünki mənim şəxsiyyətim təhqir edilib. Heç kim şəxsiyyətimi təhqir edə bilməz. Buna görə məndən üzr istəyəcək. O üzr istəməyi haqqında məlumat verməyib. Sadəcə bildirib ki, məhkəmə qərarına əsasən, ödəyəcəyi məbləğ azaldılıb. Onun pulu nəyimə lazımdır? O, kimdir ki, mən onun pulunu alım? Üzr istəməlidir, vəssalam! İnşallah, buna nail olacağıq. Əslində apellyasiya şikayətini mən deyil, onlar veriblər. Şikayətdə də sadəcə, pulun məbləği azaldılıb. Heç nə ləğv edilməyib. Yenə də özlərinə yaraşan şəkildə açıqlama veriblər. 10 gün ərzində qətnaməni təqdim edəcəm. O, sevinir ki, pul azaldılıb. Ancaq bilmir ki, iddiası ləğv edilib”.

Qeyd edək ki, Təranə Qumralın vəkili bildirib ki, məhkəmə qərarına əsasən, Təranə Qumral həmkarı Nazənin Salayevanın şərəf və ləyaqətini alçaltmasına görə 10000 (on min ) manat yox, 500 manat təzminat ödəyəcək.