Kəramət Salah Sumqayıtdan deputatlığa namizəd oldu

01 Sentyabr növbədənkənar parlament seçkisində iştirak edən Kəramət Salahın namizədliyi 42 saylı Sumqayıt birinci Seçki Dairəsindən qeydə alındı.

Millət vəkilliyinə namizədin Seçki Qərargahının sədri Mərdan Məhəmmədəliyevin verdiyi məlumata görə Seçki Qərargahının üzvləri 10 imza vərəqini yəni tələb olunan imzalardan artıq, 500 imzanı Sumqayıt seçicilərinin evlərini ziyarət edərək toplamışlar. 29 iyul tarixində 500 imza ilə birlikdə əlavə tələb olunan sənədlər 42 saylı Seçki Dairəsinə təqdim edilmişdir və 04 Avqust tarixində günün ikinci yarısında millət vəkilliyinə namizəd Kəramət Salah dairə sədri tərəfindən dəvət edilmiş və namizədin qeydə alınması barədə vəsiqə təqdim edilmişdir.

Qeyd edək ki, Kəramət Salah 2015 ci ildə Sumqayıtda millət vəkilliyinə namizəd olmuş və ilkin mərhələdə qeydə alınmamış və hüquqi müstəvidə aparılan işlər nəticəsində Mərkəzi Seçki Komissiyasının qərarı ilə qeydə alınıb və seçkidə rəsmən ikinci yer qazanmışdır.