"Belə müxalifətin olması böyük biabırçılıqdır" - Əsli Kazımova

“Heç kimin Xalqı təhqir etməyə haqqı yoxdur!”. Bunu Azərbaycan Sosial Rifah Partiyasının Birinci müavini Əsli Kazımova deyib.

Onun sözlərinə görə, “Milli Şura” Azərbaycan müxalifətinin teatrşünaslıq məktəbinə çevrilib: “Belə müxalifət olar? Bir müxalifət ki, erməni ilə danışıqlara gedir, öz millətindən olan hakimiyyəti ilə dialoqa getməyi təhqir hesab edir, daha bunlardan nə gözləmək olar? Xalq Cəbhəsinin zamanında torpaqlarımız işğal olunmadımı? O vaxtı erməni ilə danışıqlara getmədilərmi?

Deməli vəzifə üçün erməni ilə də dialoqa getməyə razı olanlar, bu gün ölkədə sabitlik üçün, Xalqın rifahı üçün və həmrəylik üçün dialoqa getməyi nəinki yaxşı qəbul etmir, hətta bu danşıqlara gedənlərin şərəf və ləyaqətlərini alçaldırlar, onları təhqir edirlər. Özüdə bu fikirləri bir professorun dilindən eşitmək çox məyusedicidir.

Hesab edirəm, ölkədəki sabitlik naminə hakimiyyətlə dialoqa getmək qəbahət deyil, amma xaricdən qrant alıb gəncləri qanun pozuntularına bilərəkdən sövq edərək, onlardan qara piyar üçün istifadə etmək sözün əsil mənasında namərdlikdir… Milli Şura siyasi məqsədlə yaransada, hazırki vəziyyətdə bayağı məhlə və tin qruplaşması halını alıb. Bilirsiniz, ölkədə müxalifət olar. Çünki müxalifət demokratiyanın var olmasının göstəricisidr. Amma belə müxalifətin olması böyük biabırçılıqdır…”

Xatırladaq ki, Milli Şuranın onlayn keçirilən növbəti iclası zamanı şuranın sədri Cəmil Həsənli hökumətlə dialoqa gedən müxalifətçilərə “tryapka” deyərək təhqir edib.

Bunu paylaş: