Doğru Yol Partiyasının mövcud vəziyyət ilə bağlı təklifləri

Doğru Yol Partiyası mətbuat xidmətindən bizimsesimiz.info-ya verilən məlumata görə, partiyanın iqtisadiyyat ekspertləri COVİD-19 virus pandemiyası təhlükəsinin ölkəmizdə yaratdığı fəsadların aradan qaldırılması üçün və gözlənilən böhranı önləmək üçün tətbiqi zəruri olan bir neçə təklifi mətbuat vasitəsilə hökumətə ünvanlamışdır.

Doğru Yol Partiyası ölkədə mövcud olan karrantin müddətində vətəndaşlara dövlət qayğısının artırılması və yaxın perspektivdə gözlənilən böhranı neytrallaşdırmaq üçün aşağıdakı addımların atılmasını təklif edir:

Cari təkliflər

• Mərkəzləşmiş qaydada apteklərdə müəyyən dərman vasitələrinin pulsuz təşkili
• Qaz, işıq və su limitlərinin artırılması və ya ləğv edilməsi
• Pensiya və sosial (yardım pulu) kartlarına virusla bağlı “kompensasiya ödənişlərinin” köçürülməsi
• Vətəndaşlara sosial sığorta ödənişlərində (DSMF) güzəştlərin edilməsi (təqribən 2500 manata qədər maaş alanlar üçün)
• Müəssisələrə sosial sığorta ödənişlərində (DSMF) güzəştlərin edilməsi, azaldılması və növbəti bir il üçün azad olunması
• Zərər çəkmiş sektorlardakı müəssisələrə vergi ödənişlərində güzəştlərin edilməsi, azaldılması və növbəti bir il üçün azad olunması.

Strateji təkliflər

• Onlayn Universitetlərin yaradılması haqqında qanunun qəbul edilməsi
• “Onlayn Təhsil Televiziyasının” yaradılması
• Milli və Təbii Toxumların Hazırlanması İnsitutunun yaradılması
• Alternativ və təbii üsullarla müalicə üsullarının hazırlanması
• Elmi Tədqiqatların Dəstəklənməsi Fondunun yaradılması
• İnsanların Sosial Həyatın Artırılması üçün tədbirlərin görülməsi
• 5G keçidə alternativ olaraq yeni sistemin yaradılması
• Valyuta ehtiyatlarında qızıl payının artırılması
• Şərq və yaxın şərq ölkələri ilə ticarət əlaqələrinin artırılması