Feminist qadınların yürüşünə kəskin etiraz

“Doğru Yol Partiyası Qurultaya Hazırlıq Təşkilat Komitəsinin Bəyanatı

Azərbaycan müstəqilliyinə qovuşduqdan sonra Qərbdən gələn anti- milli ideoloji, siyasi cərəyanlar cəmiyyətimizin tarixi, milli mənəvi mədəni köklərinə mənfi təsir etmişdir. Qadına böyük dəyər verən, ananı müqəddəs bilən cəmiyyətimizdə 8 mart 2020-ci il tarixində Avropa mənşəli ideolji cərəyan olan feminist ( qadın hüquqları uğrunda mübarizə aparanlar) qadınların yürüşü olmuşdur. Yürüş zamanı nümayiş etdirilən bəzi plakatlardakı ictimai əxlaqa zidd məzmunda olan şüarlar, bu hərəkatın Azərbaycanın bu günü və gələcəyi olan gənc nəsilə heç bir müsbət mənada faydasının olmayacağını, əksinə gəncliyi tarixi, milli köklərindən uzaqlaşdırıb “mədəni kölə” halına gətirmək planlarından dolayı qınayır və onlara alqış tutan Avropa yönümlü məlum siyasi təşkilat və siyasətçiləri kəskin qınadığımızı bildiririk.
Azərbaycanın milli-mənəvi dəyərlərini və milli mentalitetini nəzərə alaraq bildiririk ki, bu aksiyada nümayiş etdirilən plakatların məzmunu Azərbaycan qadınını cəmiyyətdə yüksək tutan abır, həya, ismət və namus kimi mənəvi dəyərlərinə daban-dabana ziddir və Azərbaycan xalqı tərəfindən heç vaxt qəbul edilməyəcəkdir.

Doğru Yol Partiyası olaraq qətiyyətlə bildiririk ki, bu aksiyada səsləndirilən İstanbul konvensiyası birtərəfli mövqeni müdafiə etdiyinə görə, insan haqları və hüquqlarını birtərəfli şəkildə pozduğuna görə qəbul edilə bilməz.

Doğru Yol Partiyası
09 mart 2020″