Azərbaycanda deputatlığa namizəd qəzaya düşdü - FOTOLAR

104 saylı Tovuz-Gədəbəy Seçki Dairəsindən müstəqil namizəd Nazim Bəydəmirli seçicilərlə görüşlərini təxirə salıb.

Namizədin bu addımı atmasına səbəb seçiciləri ilə görüşə gedərkən keçirdiyi avtomobil qəzası olub.

O deyib: "İsalı kəndindən görüşdən qayıdarkən Fərzalı kəndində yüngül qəza keçirdik, bu səbəbdən Zamanlı, Mor-Mor, Göyəmli kəndlərindəki görüşlərimizi təxirə salmalı olduq.. Deyəsən, xalqımız demiş "göz dəydi".. Sabahdan görüşlərimiz davam etdiriləcək, bu millətin yolunda ölümə də hazır olmalıyıq.. Biz fəaliyyətimizlə qələbəni çoxdan təmin etmişik, rəsmiləşdirmək isə dövlətin işidir.. İstəsə rəsmiləşdirəcək, istəməsə yox, bu sadə həqiqəti isə hamı bilir..".