.jpg)
.jpg)
Hafiz Hacıyev deputatlığa namizəd olacaq? - Açıqlama
Tarix: 06-12-2019 12:11
Xəbər verdiyimiz kimi, Azərbaycan Respublikasının Milli Məclisinə növbədənkənar seçkilər 2020-ci il fevralın 9-na təyin edilib.
Bununla bağlı Sonxeber.az-a açıqlama verən Müasir Müsavat Partiyasının sədri Hafiz Hacıyev bildirib ki, gələn həftənin 3-cü gün partiyanın siyasi şurasının iclası olacaq: "Bu iclasda qərar qəbul olunacaq. Siyasi Şura hansı qərar qəbul etsə, biz də ona tabe olacağıq. Amma buna baxmayaraq partiyadan 50-60 nəfərin namizədliyini verməyi düşünürük. Hər halda həftənin 3-cü günü qərar qəbul ediləcək. 3-cü gün namizədlərimizin kim olacağı bəlli olacaq. Əlbəttə, biz də bu demokratik seçkilərdə iştirak edəcəyik. Düşünürəm ki, belə əlverişli şəraitdə seçkilərdə iştirak etməyə dəyər. Partiya hansı qərarı qəbul edəcəksə bizdə ona tabe olacaq. Mənim ixtiyarım öz əlimdə deyil. Partiya üzvlərinin çıxardığı qərara tabe olmalıyam. Bu mənim üçün ən önəmli məsələdir. Mən ömür boyu dövlətçiliyimizi müdafiə edən insan olmuşam. Hələlik ortada bir şey olmadan bir söz deyə bilmərəm. Hər halda mən dövlətimiz üçün canımı qoymuşam. Siyasi şuranın qərarından sonra mən mətbuata geniş məlumat verəcəyəm".
Seçilmişlər
Ən çox oxunanlar
