"İstərdim ki, Əli Əsədov daha cəsarətli olsun" - Partiya sədri

"Mən hələ baş nazir olanda Novruz Məmmədovun həmin posta layiq bir şəxs olmadığını bildirmişdim. Gördünüz ki, üzərindən iki il keçməmiş baş nazir postuna yeni şəxsin gətirilməsi gündəmə gəldi".

Bu fikirləri GÜNpress.az-a açıqlamasında Müasir Müsavat Partiyasının sədri Hafiz Hacıyev deyib ki, Əli Əsədovun baş nazir olması doğru qərardır:
"Əli müəllim iqtisadiyyatı yaxşı bilir. Bu mənada onun baş nazir olması müsbət dəyərləndirilə bilər. Amma mən istərdim ki, daha yeni simalar vəzifələrə gətirilsin. Millətin bəzi insanlardan gözü yorulub. Hər halda, ölkə prezidentinin bu seçiminə hörmətlə yanaşmaq lazımdır. İstərdim ki, Əli Əsədov bu qarışıqlıq ərəfəsində daha cəsarətli olsun. Dostluğa meyllənməsin, yeni simaların önə çəkilməsi istiqamətində düşünsünlər. Yeni simaların hökumətə cəlb olunması yönündə işləsələr, daha yaxçı olar. Atın mıxını ordan-ora dəyişən kimi, kadr dəyişikliyi eləmək olmaz.

Amma yenə də Əli müəllimə uğurlar arzu edirəm. Ümid edirəm ki, ölkə Prezidentini həqiqətən sevən məmurlardan olacaq. Ətrafdakı provakatorların fikirlərinə uymasın. Ölkədə ciddi problemlər var və xalqı narahat edir. İsətrim ki, bu məsələlərin həlli yolunda yeni baş nazirin Prezidentə sözdə yox, əməldə sədaqətli olsun. Biz yalnız bu çətin dönəmdən Prezidentin ətrafında sədaqətlə birləşərək keçə bilərik".