Buzovna Bələdiyyəsinin sədri qaydaları pozmayıb

Bir neçə xəbər saytında Xəzər rayon Buzovna Bələdiyyəsinin sədri Mətləb Əliyevin övladına toy edərkən karantin qaydalarını pozması haqqında xəbər tirajlanıb.
Məsələ ilə bağlı toy sahibi ilə əlaqə saxladıq. Məlum oldu ki, yayılan məlumatlar həqiqəti əks etdirmir. Beləki, 7 avqust 2021-ci il tarixdə Mətləb Əliyev Buzovna qəsəbəsində yerləşən "Toy gecəsi" şadlıq sarayının həyətindəki açıq meydançada övladına toy edib. Toyun təşkili və keçirilməsi Nazirlər Kabinetinin müəyyən etdiyi şərtlər nəzərə alınmaqla keçirilib. Toya gələnlərdən polis tərəfindən müvafiq qaydada COVİD-19 pasportu tələb olunub.
3 saat çəkən toy mərasimində iştirakçıların hamısının müvafiq sənədləri olub. Bu da Nazirlər Kabinetinin müvaqfiq tələblərinə tam uyğundur.
Toy sahibi Mətləb Əliyev yayılan dezinformasiyadan təəssüfləndiyini bildirdi. "Biz özümüz camaat arasında təbliğat, təşviqat aparırıq ki, hökümətimizin qoyduğu qaydalar pozulmasın. Əhalinin sağlamlığı qorunsun. Belə bir vəziyyətdə necə ola bilər ki, mən dediyim sözün, hökümətimizin qoyduğu qaydanın əleyhinə gedim. Bu qətiyyən ola bilməz".