Əli Kərimli sərbəst saxlanıldı, xəbərdarlıq edilib buraxıldı - Yenilənib

AXCP sədri Əli Kərimli bu gün Müsavat Partiyasının qərargahı önündə polis tərəfindən saxlanılıb.

Müsavat Partiyasının qərargahında bu gün keçirilən “Həmrəylik Marafonu”nda iştirak edən partiya sədri Binəqədi Rayon Polis İdarəsinə aparılıb.

Onunla yanaşı marafonu işıqlandıran Fatimə Mövlamlı və Nurlan Libre də polisə aparılıb.

***

Bir müddət sonra Nurlan Libre azadlığa buraxılıb.

***

Musavat.com-a daxil olan məlumata görə, AXCP sədri Əli Kərimlinin süni şəkildə ictimai narazılıq yaratmağa, müqavimət hərəkatı formalaşdırmağa və cəmiyyətdə mövcud olan sabitliyi pozmağa cəhd göstərdiyi bildirilir.

Qeyd edək ki, Əli Kərimli ictimai asayişi kobud şəkildə pozan, qanunların tələblərinə riayət etməyən, polisə müqavimət göstərən və digər bu qanunazidd əməllər törədən şəxslərə kəsilmiş cərimələrin ödənilməsinə guya yardım göstərmək məqsədilə “xeyriyyə marafonu” adı altında müxtəlif çağırışlar irəli sürmüş bə kampaniya təşkil etməyə çalışmışdı.

***

Əli Kərimliyə Binəqədi rayon Polis İdarəsində xəbərdarlıq edildikdən sonra sərbəst buraxılıb.