Xalq artistinə çılpaq şəkillərini göndərən həbs olundu

Telefonum köməkçimdə olduğundan o bunları vəkilimə göstərib. Və nəticə olaraq Sumqayıt məhkəməsi həmin gəncə 15 sutka cəza kəsib

Xalq artisti Brilliant Dadaşovaya çılpaq şəkillərini göndərən gənc həbs olunub. “Qafqazinfo”nun məlumatına görə, Sumqayıt şəhər məhkəməsi həmin gəncə 15 sutka cəza verib. Hadisə ilə bağlı danışan xalq artisti sözügedən gəncin kimliyini gizli saxlamaq istədiyini bildirib:

"Mənim telefonumda sosial şəbəkələrdəki profillərimə köməkçilərim nəzarət edir. Qeyd olunan adam “Whatsapp” vasitəsilə nömrəmə əxlaqsız fotolar göndərib. Telefonum köməkçimdə olduğundan o bunları vəkilimə göstərib. Və nəticə olaraq Sumqayıt məhkəməsi həmin gəncə 15 sutka cəza kəsib. Bu gün məndən o insanın kimliyini soruşsalar da, bunu açıqlamaq niyətində deyiləm. Çünki o qanun qarşısında öz cəzasını alıb və gənc olduğundan bir də ictimai qınağın hədəfində olmasını istəmirəm.

Ümid edirəm ki, olanlardan nəticə çıxarıb birdə belə səhvlərə yol verməz”.

Qeyd edək ki, bu barədə xəbəri ilk aznews.az saytı yayıb.