İcra başçıları Prezident Admistrasiyasına çağırılır - Hesab sorulacaq

İcra başçılarının bir qismi tutduqları vəzifədən azad oluna bilər.

Neft gəlirlərindən əlini tamamilə üzən Azərbaycan hakimiyyəti çətinləşən iqtisadi şərtlər halında ölkədə baş qaldıra biləcək narazılıqdan ciddi şəkildə narahatdır və bunu önləmək üçün ciddi tədbirlərə start verib. Belə ki, manatın sonuncu devolvasiyasından sonra əyalətlərdə baş verən etiraz aksiyaları hakimiyyəti “qəflət yuxusundan” oyadıb və məhz həmin etirazlardan dərhal sonra Prezident Adminstrasiyasından Rayon İcra Hakimiyyətlərinə özündə preventiv tədbirləri əks etdirən fəaliyyət proqramı göndərilib.

Həmin proqramda hər bir rayonun potensialına müvafiq olaraq yeni iş yerlərinin açılması tələb olunur. Hazırda bütün rayonlarda bu istiqamətdə addımlar atıldığını iddia edən qaynağımız mart ayının sonlarına doğru “əyalət padşahları”nın bəzilərinin vurulacağını bildirir:

“Hər bir icra başçısının qarşısında konkret vəzifələr qoyulub. Buraya rayonda narazılıqların minimuma endirilməsindən tutmuş, yeni iş yerlərinin açılmasına qədər çoxsaylı məsələlər əks olunub. Mart ayının əvvəlindən başlayaraq isə icra başçıları növbə ilə Prezident Adminstrasiyasına çağırılacaq və onlardan son üç ayın hesabı sorulacaq. Onlardan konkret olaraq rayonda neçə iş yerinin açılması, hansı sahibkarlıq obyektlərinin fəaliyyətə başlaması, hansı sahibkarlara hansı köməkliyin göstərildiyi və s. haqda hesabat tələb olunacaq. Hesabatın yekunu olaraq isə bəzi icra başçılarının vəzifələrini itirəcəyi gözlənilir”.
Savash.org