«Kaspşik kimilərinə "cökə pazı" lazımdır»-Hafiz Hacıyev

Rusiya və ABŞ ATƏT-in fəaliyyətdə olan sədrinin şəxsi nümayəndəsi Anjey Kaspşiki Dağlıq Qarabağ münaqişəsinin həlli istiqamətində göstərdiyi "fəaliyyətinə görə" təltif ediblər.

Kaspşikin fəaliyyətini və təltif olunmasını "Müasir Müsavat" partiyasının sədri Hafiz Hacıyev Ölkə.az-a şərh edib.

Hafiz Hacıyev: "Bu dünya ölkələrinin Azərbaycana göstərdiyi "yardımın" nəticəsidir. Bunlar 20 ildir gəlirlər, Azərbacanın yaxşı "Şirvan" konyakından, Ermənistanın da adi konyakından içib başlayırlar millətlə məzələnməyə. 20 ildir ki, Anjey Kaspşik kimilər Azərbaycanla məzələnir. ATƏT-in Minsk qrupundan imtina etməlidir, çünki bu qurum bizim heç bir işimizə yaramır. Onlar ancaq bizim sərvətlərimizə göz tikiblər. Hesab edirəm ki, Azərbaycan ATƏT-in Minsk qrupunun münaqişəni tənzimləmək istiamətində apardığı yarıtmaz fəaliyyətə görə, onun vasitəçilik xidmətlərindən imtina etməlidir və BMT-nin qəbul etdiyi qətnamələrin yerinə yetirilməsini tələb etməlidir. Əks halda Azərbaycan ordusunu gücü ilə hücum edib torpaqlarını geri almalıdır. Biz Amerikanın "Con"una, Rusiyanın "alkaş"ına inanmamalıyıq. Yoxsa ömür boyu torpaqlarımız erməni işğalında qalacaq.

- Hafiz bəy, sizcə Anjey Kaspşikin də qulağı kəsilməlidir?

- Anjey Kaspşik kimilərinin qulağını kəsməyə dəyməz. Sonra gedib qulağıkəsik gəzəcəklər. Onun kimilərinə yaxşı bir "cökə pazı" lazımdır".