Cinsi gücü artıran mürəbbə

Meyvə yemək hər zaman ürəyinizcə olmaya bilər. Ancaq dadlı meyvələrdən hazırlanmış mürəbbəyə heç kim yox deməz. Bəs hansı mürəbbənin nəyə faydalı olduğunu bilirsiniz?

Tabloid.az mürəbbələrin faydalarını araşdırıb:

Qoz mürəbbəsi: Qışın ən faydalı meyvələrindən biri də qozdur. Əgər qoz yeyəndə üzünüzdə sızanaqlar yaranır və ya qoz yeməyi xoşlamırsınızsa, sizə bu möcüzəvi meyvənin mürəbbəsini tövsiyə edirik. Qoz mürəbbəsi də qozun bütün faydalarını ehtiva edir. Bu mürəbbə insan orqanizimində yod, həmçinin C, E, və B vitaminlərinin çatışmazlığını aradan qaldırır.

Qoz mürəbbəsi yedikdə zehni qüvvətləndirir, qavramanı artırır. Tərkibindəki omeqa-3 maddəsi sayəsində ürək damarlarının tıxanmasının qarşısını alır. Ürək ritmini yaxşılaşdırır. Xolesterolu aşağı salma qabiliyyətinə malik olan qoz döş xərçəngi başda olmaqla bir çox xərçəng növünə tutulma riskini azaldır.

Tərkibindəki melatonin sayəsində yuxu pozğunluğu çəkən şəxslərdə narahatlığı aradan qaldırır. Qoz sinir sisteminə zərər verən parkinson kimi xəstəliklərin inkişafını dayandırır. Orqanizmi manqan və mislə təmin edir.

Alma mürrəbbəsi ürək bulanmasına qarşı yaxşıdır, ürək və mədəni qüvvətləndirir.

Badam mürəbbəsi öskürəyi kəsir.

Zəncəfil mürəbbəsi sidikqovucu təsirə malikdir. Mədə, böyrək və sidik kisəsi üçün faydalıdır. Bəlğəmə qarşı da çox faydalıdır.

Qabaq mürəbbəsi cinsi həvəsi artırır, bədəni kökəldir, qəbizliyi aradan qaldırır, daxili orqanları möhkəmləndirir. Təmiz qan yaradır. Sinə ağrısını, öskürəyi, mədə və ciyər zəifliyi, sidik yollarının tutulması zamanı faydalıdır.

Heyva mürəbbəsi həzm üçün faydalıdır. Ürəkbulanma və ishala yaxşı təsir edir.

Yerkökü mürəbbəsi səsi təmizləyir. Ağciyərləri toksinlərdən təmizləmək üçün faydalıdır. Qaraciyər üçün də xeyirlidir. Həmçinin həzmə kömək edir və cinsi fəaliyyəti qücləndirir.

Naringi və ya limon mürəbbəsi ödü sakitləşdirir, mədəni və ürəyi möhkəmləndirir.