Köçəryan düşmən elan olundu

“Ermənistanda kütləvi informasiya vasitələrinin durumu Robert Köçəryanın zamanında ən pis vəziyyətdə idi. Jurnalistlərə qarşı fiziki zorakılıqlar, təzyiqlər olurdu. Amma bu o demək deyil ki, problemin öhdəsindən tam gəlmişik”.

Gunpress.az Modern.az saytına istinadən xəbər verir ki, bu sözləri Ermənistan Söz Azadlığı Müdafiə Komitəsinin sədri Aşot Melikyan deyib.

O bildirib ki, keçmiş prezident Robert Köçəryanın rəhbərliyi dövründə “A1” televiziya kanalının bağlanması ilə beynəlxalq təşkilatlar Ermənistanı azad KİV-i olmayan ölkələr siyahısına salırdı.

Aşot Melikyan Robert Köçəryanı mətbuatın düşməni kimi xarakterizə edib:

“2008-ci ilin 1 mart hadisələrindən sonra Köçəryanın göstərişi ilə bir sıra KİV bağlandı. Fövqəladə vəziyyətin ləğvindən sonra onlar yenidən fəaliyyətə başladı. Ona görə hesab edirəm ki, Köçəryan KİV-in bir nömrəli düşməndir”.

Qeyd edək ki, Aşot Melikyan Robert Köçəryan haqqında çəkilən filmə münasibət bildirərkən onu tənqid edib. Köçəryan haqqındakı filmdə onun zamanında mətbuatın guya azad olması haqqında fikirlər bir neçə jurnalistin dilindən səslənir.