“Azərsu”dan xəbərdarlıq: “Suyu az miqdarda açıq qoyun”

“Azərsu” Açıq Səhmdar Cəmiyyətinin mətbuat xidmətinin rəhbəri Anar Cəbrayıllı yanvarın 8-də bildirib ki, havanın sərt keçməsi ilə bağlı quruma hər hansı şikayət daxil olmayıb:

“Həm su, həm də kanalizasiya xidməti ilə bağlı 955 qəza xidməti 24 saat fəaliyyət göstərir. Bakı şəhəri ətrafında əhliyə suyun verilməsində dəyişiklik yoxdur, su əvvəlki qrafiklə verilir. Xüsusi narahtçılığımız həyət evlərindəndir. Bu evlərdə su xətlərinin donması halları qaçılmazdı. Bakı şəhərinin ətraflarında yeni salınmış massivlərin çoxunda mərkəzləşmiş şəbəkə yoxdur. İnsanlar özləri fərdi qaydada xəttlərdən su çəkiblər. Bu xəttlər tikinti qaydalarına uyğun çəkilməyib. Yəni yerin üstü ilə çəkilib, üstü izoliyasiya olunmayıb. Buna görə də havalar şaxta olan kimi xəttlərin bir çoxunda donma və sıradan çıxma halları baş verir.

Əhlidən xahiş edirik ki, su xəttlərinin donmadan qorunması üçün müəyyən tədbirlər görsünlər. Ən yaxşı üsullardan biri şaxtalı günlərdə suyu az miqdarda açıq qoysunlar”.