Hərbi təyyarənin axtarışına Rusiya da qoşulur

İyulun 24-də gecə saatlarında plana uyğun olaraq təlim-məşq uçuşları keçirərkən Xəzər dənizinə düşdüyü ehtimal edilən Hərbi Hava Qüvvələrinin MiQ-29 təyyarəsinin axtarışlarında Rusiya da iştirak edəcək.

Məlumatı “Qafqazinfo”ya açıqlamasında Müdafiə Nazirliyi mətbuat xidmətinin rəisi, polkovnik Vaqif Dərgahlı təsdiq edib. O, rusiyalı mütəxəssislərin iki gün sonra axtarışlara qoşulacağını qeyd edib.

Qeyd edək ki, iyulun 31-dən etibarən axtarışlarda türkiyəli mütəxəssislər də iştirak edir.