Bizim baş nazir 72, Gürcüstanın baş naziri 37 yaşındadır ...

İqtisadçı Qubad İbadoğlu sosial şəbəkədə maraqlı paylaşım edib.

GÜNpress.az xəbər verir ki, ötən gün Azərbaycanda qeyd olunan Gənclər Gününü xatırladan iqtisadçı ölkədə yüksək vəzifələrdə gənclərin təmsil olunmadığını bildirib. O, Azərbaycanı Gürcüstan və Ermənistanla müqayisə edib: "84 yaşlı keçmiş baş nazir Artur Rasi-zadə və 79 yaşlı baş nazir müavini Abid Şərifovun 9 ay bundan əvvəl Nazirlər Kabinetini tərk etməsinə baxmayaraq, Azərbaycan hakimiyyəti yenə də baş nazir və müavinlər arasındakı yaş fərqinə görə qonşu ölkələrə hardasa 100 il uduzur. Çünki, qonşu ölkələrdə idarəetmədə gəncləşmə, bizdə isə yaşlaşma prosesi gedir.

Maraqlı olan həm də odur ki, həm Gürcüstanda və həm də Ermənistanda baş nazirin yalnız 2 müavini vardır. Gürcüstanda baş nazirin bir müavini Daxili işlər naziri, digər müavini isə Regional inkişaf və infrastruktur naziri vəzifəsini icra edir”.