Hərbi Hava Qüvvələrinə yeni komandan TƏYİN EDİLDİ

Xəbər verdiyimiz kimi, Hərbi Hava Qüvvələrinin komandanı general-leytenant Ramiz Tahirov bir neçə gün əvvəl yaş həddi ilə əlaqədar xidmətdən azad edilib.

GÜNpress.az xəbər verir ki, "Unikal"ın əldə etdiyi məlumata görə, Hərbi Hava Qüvvələrinin komandanı vəzifəsi general-mayor Namiq İslamzadəyə həvalə olunub. O, şəxsi heyətə təqdim edilib.

Xatırladaq ki, Namiq İslamzadə buna qədər Hərbi Hava Qüvvələri komandanının müavini vəzifəsində xidmət edib.

Onu da qeyd edək ki, 9 dekabr 2020-ci ildə Prezident İlham Əliyevin sərəncamı ilə Namiq İslamzadəyə Vətən Müharibəsi Qəhrəmanı adı verilib.