“Həmin müğənnilərə görə verilişlərə getmirəm” - Günay İbrahimli

"Radiolarımızın bir xüsusiyyətini çox bəyənirəm. "İnstaqram"da məşhurlaşan müğənniləri yayımlamırlar. Orada ancaq səviyyəli mahnı eşidirsən".

GÜNpress.az xəbər verir ki, bu sözləri Axşam.az-a açıqlamasında müğənni Günay İbrahimli deyib. İfaçı İnstaqramda məşhurlaşan bayağı ifaçıları tənqid edib.

Sənətçi efirlərə gec-gec çıxmasının səbəbini açıqlayıb:

"Təəssüf ki, efirlərdən fərqli olaraq o cür müğənnilər efirlərə çıxırlar. Elə buna görə də hər verilişə getmirəm. Seçib efirə çıxıram".

Günay daha sonra "Artıq qalmaqal da əvvəlki kimi insanlara maraqlı deyil. İnsanların başı özlərinə qarışıb, onlara bizim qalmaqal lazım deyil. Buna görə də elə ancaq mahnı təqdim etmək lazımdır" sözlərini əlavə edib.