"Nabat" filmi Avropada rezonans yaratdı

Azərbaycanın Dağlıq Qarabağ münaqişəsindən bəhs edən "Nabat" filmi Venesiya Beynəlxalq Film Festivalında uğurla qarşılandı.

Bunu gunpress.az-a "Azərbaycanfilm" kinostudiyasının baş direktoru Müşfiq Hətəmov jurnalistlərə açıqlamasında bildirib. M.Hətəmov deyib ki, "Azərbaycanfilm" kinostudiyası tərəfindən istehsal edilən "Nabat" filmi çox uğurlu alınıb. Film 25 ildən artıq bir dövr ərzində davam edən və Azərbaycan xalqının ağrılı problemi olan Qarabağ münaqişəsindən bəhs edilir. "Nabat” artıq nüfuzlü Venesiya kinofestivalına dəvət alaraq, orada nümayiş etdirilib: Həmin filmə baxış zamanı İtaliyada bizə sual verdilər ki, niyə bu mövzüya müraciət etmisiz. Mən isə cavab verdim ki, bu film artıq sülhün yaranması, Qarabağ münaqişəsinin ədalətli həll olunması naminə çəkilib. O cümlədən biz bu cür filmlər çəkməklə dünyanın müxtəlif yerlərində baş verən savaşlara, insan ölümlərinə öz etirazımızı bildiririk. Xatırladaq ki, "Nabat" filmi barədə və "Azərbaycanfilm" kinostudiyasının direktoru Müşfiq Hətəmovdan Amerikanın məşhur kinojurnalının əməkdaşı geniş müsahibə götürüb. Həmin müsahibə oktyabr aynında işıq üzü görəcək.