"Məgər Aslan müəllim günahsız yerə adam tutdurandır" -Deputat

Mərkəzi Univermağın (MUM) rəhbəri, Milli Məclisin deputatı Ərəstun Cavadov son günlər ölkə mediasının gündəmindən düşməyən məhkum Lamiyə Quliyevanın cinayət işi ilə bağlı məsələyə münasibət bildirib.

Deputat Ə.Cavadov Bizimxeber.az-a açıqlamasında deyib ki, bütün bunlar AXCP-nin Aslan Aslanova qarşı apardığı qarayaxma kampaniyasının tərkib hissədir.
Onun sözlərinə görə, AXCP sədri və onun mətbu orqanı Aslan Aslanova qarşı qarayaxma kampaniyasında Lamiyə Quliyevanın cinayət işindən sui-istifadə edir. Məntiqlə düşünsək görərik ki, AXCP Aslan Aslanovdan intiqam alma istəyir. Çünki Aslan Aslanov indiki iqtidarın komandasında çalışmış adamdır. Hər zaman da vətəninə və millətinə vicdanı və sədaqəti ilə xidmət etmiş adamdır. Aslan Aslanov doğma övladını, gənc oğlunu itirib. Mən hələ vaxtilə onun oğlunun jas mərasimində iştirak edəndə Şəmkirdə hamı danışırdı ki, Lamiyə Quliyeva öz xalası oğlu tərəfindən zorlanıb. Bütün bunlar bit daha onu göstərir ki, Aslan müəllimə qarşı qarayaxma kampaniyası aparılır.
Çünki Aslan Aslanov dövlətçiliyə bağlı, vətəninə və xalqına layiqli xidmət etmiş adamdır. Mən bunları Aslan Aslanovu tərifləmək üçün söyləmirəm. Əgər Aslan müəllim olmasaydı, o zaman 90-cı illərin əvvəllərində Gürcüstanda yaşayan soydaşlarımızı çoxdan oradan çıxartmışdılar. Necə ki, Qərbi Azərbaycanda yaşayan soydaşlarımızı deportasiya etmişdilər, belə bit təhlükə Gürcüstanda yaşayan soydaşlarımız üçün də yaranmışdı. Amma ulu öndər Heydər Əliyevin tapşırığı ilə Aslan müəllim gedib bunların qarşısını aldı. Aslan müəllim Gürcüstanda yaşayan azərbaycanlıların müdafiəsinə qalxmışdı, onlara dayaq idi. Bütün bunları Aslan Aslanov Şəmkirin icra başçısı olduğu dövrdə edirdi. İndi də Aslan müəllimin o bölgədə yeri görünür. Aslan Aslan Aslanov Azərbaycan və Gürcüstan arasında dostluq münasibətlərinin yaranmasında böyük xidmətlər göstərib, bu dövlətimiz tərəfindən də hər zaman yüksək qiymətləndirilib. Ancaq çox təəssüf ki, dövlətimiz və xalqımız üçün vacib olan bu cür addımlar bəzi dairələr tərəfindən bəyənilmir. İndi Lamiyə Quliyeva cinayət işi ilə bağlı düşüblər Aslan Aslanovun üzərinə”.
Məgər Aslan müəllim günahsız yerə adam tutdurandır. Niyə deyən yoxdur ki, məhbus Lamiyə Quliyeva həbsxanada haradan doğub. Bunu da Aslan Aslanovun üzərinə atırlar. Aslan müəllim ziyalı insandır, o gənc oğlunu itirib, bu dəqiqə o ancaq bunun dərdini çəkir. Lamiyə Quliyeva adam öldürüb gəlib həbsə düşüb, daha sonra da həbsxana gözətçisinə qarşı hüquqazidd hərəkətlər edib və əlavə iş alıb. İndi burada Aslan Aslanovun nə günahı var?
Ümumiyyətlə, ağır cinayət törətmiş şəxslərin əksəriyyəti həbsxanada dinc gala bilmirlər, yenə də cinayət törədirlər. Bunu məhkum olmuş adamların təcrübəsində də görmək mümkündür.
Deputat həmkarı Zahid Orucun da Aslan Aslanovla bağlı çıxışlarına toxunan Ə.Cavadov qeyd edib ki, Zahid Oruc bundan şou düzəldir. Bunun da müəyyən səbəbləri var. Ümumiyyətlə, Zahid Orucun məqəsdi və ideyası bəlli deyil. Külək hara əsirsə, o da o yana əsir. Zahid Orucun dostu ilə düşməninin kim olduğu bilinmir”.
Xatırladaq ki, L.Quliyeva atası həbsxanada olarkən dünyaya göz açıb. 15 yaşından həbsxanaya düşən L.Quliyevanın atası Sahib Quliyev törətdiyi ağır cinayətə görə uzun müddət həbsxana həyatı yaşayıb və orada vəfat edib.