Hafiz Hacıyev: “Müsavat artıq avara yığnağına çevrilib”

“Müsavatda kim səsini çıxarırsa, onu həbs etdirməyə çalışırlar. Bu proses orada mütəmadi olaraq davam edir”. Bunu SİA-ya Müasir Müsavat Partiyasının (MMP) sədri Hafiz Hacıyev Vurğun Əyyubun Arif Hacılının qurduğu Müsavat divanının müsavatçılara “divan” tutmaq mexanizmi seçdiyinə dair fikrinə münasibət bildirərkən deyib.

MMP sədrinin sözlərinə görə, bu gün Arif Hacılı və onun tərəfdarları Müsavat daxilində diktator rejimi yaratmaq istəyirlər: “Hazırda orada 5-6 nəfərdən başqa heç kim yoxdur. Bir sözlə, Müsavat artıq avara yığnağına çevrilib. İndidə gözləyək görək həmin avara yığnağı nə vaxta kimi davam edəcək. Orada yalnız böyük pullar üstündə mübarizə gedirdi. Onlar çalışırdılar ki, xaricdən aldıqları pulların hamısını tək yesinlər”.