Hafiz Hacıyev: "İsa Qəmbərin özü kəşfiyyata işləyənlərdən biri olub”

“Mən hələ bir neçə il bundan öncə demişdim ki, Qəmbərov İsanın özü kəşfiyyata işləyənlərdən biri olub”. Bunu SİA-ya Müasir Müsavat Partiyasının (MMP) sədri Hafiz Hacıyev Müsavatın növbəti məclisinin qalmaqalla yadda qalmasına və İsa Qəmbərin partiya yoldaşlarının ittiham etməsinə münasibət bildirərkən deyib.

Partiya sədrinin sözlərinə görə, əgər Qəmbərov İsa öz partiya yoldaşlarının hakimiyyətin sifarişi ilə işlədiyini bilirdisə, bəs o zaman niyə Müsavat Partiyasının başında dayanırdı? Baxın, görün bu şəxs o qədər məntiqsiz insandır ki, neçə il həyatda birgə yol gəldiyi yoldaşlarını hakimiyyəyə çalışmaqda günahlandırır. Qəmbərov İsanın mənəviyyatı bundan ibarətdir. Öz yanında üç nəfərə rəhbərlik edə bilməyən bu şəxs Azərbaycanda rəhbərliyə gəlmək iddiasındadır. Mütəmadi olaraq müəyyən pozucu qüvvələrə işləyən bu adam əlacsız vəziyyətdə qalıb indi kimisə bada verməyə çalışır. Artıq Müsavat Partiyasında olan insanların hamısı Qəmbərov İsanın iç üzünü bildi.

Mənim bu barədə Qubad İbadoğlu ilə geniş şəkildə söhbətim olub. Onlara başa saldım ki, bu şəxs o dövlətdir yoxdur ki, orada kəşfiyyata işləməsin və pul almasın. Təbii ki, sizində onun yanında olmağınız isə özünüzə bir ləkədir. Sonradan onlar mənə haqq qazandırdılar ki, həqiqətən də Qəmbərov İsa quldurun biri imiş. Hazırda bir-iki nəfər qadından başqa Müsavatda heç kim qalmayıb. Həmin qadınlara da nə ad vermək lazım olduğunu özümdə gizli saxlayıram. Beləcə, Qəmbərov İsa ifşa olundu getdi. İndi də siyasətdə bizim bir “qaluboy”umuz və ermənilərin qaynatası qalıb. Təbii ki, onlar da məhv olunandan sonra Azərbaycan çox sabit bir əmin-amanlıq olacaq”.