Seçkilərə 1 048 nəfər namizədlik üçün müraciət edib

Sentyabrın 1-də keçiriləcək növbədənkənar parlament seçkilərinə 1048 nəfər namizədlik üçün müraciət edib.

Bunu Mərkəzi Secki Komissiyasının sədri Məzahir Pənahov jurnalistlərə açıqlamasında deyib.

MSK sədri bildirib ki, onlardan 700-nün namizədliyinin irəli sürülməsi təsdiqlənib.

Onun sözlərinə görə, bütün proseslər axıra çatdırılana qədər seçki məntəqələrindəki veb-kameralar fəaliyyət göstərəcək: "1000 məntəqədə veb-kamera quraşdırılıb. Bu aşkarlığın ən yüksək göstəricisidir. Həmçinin qeyd edim ki, azad edilmiş ərazilərdə seçki məntəqələri yaradılıb".