"Qarabağın üstündə çox alverlər olub" - Siyavuş Novruzov

"Deyirlər ki, guya, Qarabağın bərpası üçün sahibkarlardan bəhanə ilə pul yığılır. Hansı sahibkardan pul yığılır? Qarabağın işinə niyə haram qatırsız?".

"Unikal" xəbər verir ki, bunu Milli Məclisin növbədənkənar sessiyasının bu gün keçirilən iclasında deputat Siyavuş Novruzov deyib.

O bildirib ki, Qarabağda böyük tikinti-quruculuq işləri aparılır: "Bizim 30 illik arzumuz bu idi ki, Qarabağımız qayıtsın və əhalimiz köçüb orada yaşasın. Çalışmalıyıq ki, boş qalan ərazilər dolsun, əkin-biçin başlasın".

S.Novruzov qeyd edib ki, kim gələcək seçkiyə hazırlaşırsa, yolunu başqa tərəfdə salsın, Qarabağdan salmasın: "Qarabağın üstündə çox alverlər olub. Artıq Qarabağın üstündə alver olmaz. Bu məsələ bitdi".