Dövlət Departamenti də İlham Əliyevin əfv sərəncamını alqışladı
Tarix: 23-10-2014 12:02
ABŞ Dövlət Departamenti Azərbaycan prezidentinin oktyabrın 17-də imzaladığı əfv sərəncamı ilə Həsən Hüseynli də daxil olmaqla vətəndaş cəmiyyəti fəallarının həbsdən azad edilməsini alqışlayıb.
“Azadlıq” radiosunun məlumatına görə, bəyanatda deyilir ki, iyul ayında xuliqanlığa dair şübhə doğuran ittihamla məhkum edilmiş Həsən Hüseynli və onun başçılıq etdiyi QHT Bakıdakı ABŞ səfirliyi ilə tələbə mübadiləsi, təhsil müşavirliyi sahəsində əməkdaşlıq edirdi: “Onunla birlikdə, eyni gündə üç gənc fəal – Bəxtiyar Quliyev, Şahin Novruzlu və Elsevər Mürsəlli də həbsxanadan buraxılıblar”.
Xatırladırıq ki, bundan əvvəl Avropa İttifaqının xarici işlər naziri Ketrin Eştonla qonşuluq siyasəti və genişlənmə üzrə komissar Ştefan Füle də birgə bəyanat yayaraq Azərbaycan prezidenti İlham Əliyevin oktyabrın 17-də imzaladığı əfv sərəncamını alqışlamışdılar.
Seçilmişlər
Ən çox oxunanlar
